Thèid a’ chiad chuairt-dheireannach nàiseanta den t-seusain ann an iomain a chluich Disathairne aig an Àird sa Ghearasdan. Is e sin Cupa a’ Bhaile Mhòir a theid a chluich eadar Cill Mhaillidh agus Glaschu Meadhan-Earraghàidheil.
Tha Camanachd an Eilein a’ comharrachadh 125 bliadhna. Sgrìobh Eòghan seo o chionn bhliadhnaichean mar chnuasachadh air a’ chomann shònraichte sin.
Fhuair Eòghan cothrom tadhal air ceàirdlann Tanera Camans faisg air a’ Mhanachainn agus ionnsachadh fhaighinn air mar a nithear caman.
Tha Eòghan air ais leis an dara pàirt den ro-shealladh air iomain 2017 – an-diugh na lìogaichean naiseanta agus roinneil – cha bhiodh gnothaichean mar bu dual gun sgioba a’ tarraing a-mach às an Lìog Nàiseanta.
Tha iomain nam fear air ais Disathairne – cò bhios a’ togail nan duaisean mòra am-bliadhna-sa le tòrr mì-chinnt far na pàirce? Eòghan a’ toirt sùil air na cothroman aig na sgiobaidhean anns a’ phrìomh lìog.
O chionn deich bliadhna, ghabh buidheann de dh’òigridh ann an Leòdhas ceum mòr airson sgioba iomain do dh’inbhich a stèidheachadh san eilean. Bha Eòghan againn an-sàs ann, agus e a’ coimhead air ais air turas iongantach Camanachd Leòdhais.
Tha Baile Ùr an t-Slèibh air ais far bu dual dhaibh ann an Saoghal na Camanachd, ach bha slìghe fhada dhuilich aca a’ tilleadh – an cuir iad ris a’ ghlòir uair eile Disathairne an aghaidh Camanachd an Òbain? Eòghan ag aithris.
Tha iomain nam ban air èirigh gu mòr o chionn ghoirid agus tha guth nan Gàidheal gu làidir anns an leasachadh seo – Tha Eòghan ag aithris.
Tha iomain air ais! Ciamar a thèid dhan Eilean Sgitheanach agus iad air tilleadh dhan Phrìomh Lìog? An urrainn do sgioba stad a chur air Baile Ùr an t-Slèibh? Am bi ainmean ùra air na cupannan? Tha Eòghan a’ cnuasachadh air a’ chòrr is tuilleadh.
“Is gorm/glas/uaine na cnuic am fada uainn.” Ach a thaobh Gaoth Dobhair ann an Èirinn, saoil nach eil sin fìor? Tha Eòghan a’ beachdachadh air àite Gàidhealach air leth.