Faoileag Mhòr | Bàrdachd

le Eòghan Stiùbhart

B’ àbhaist dhan fhaoileig mhòir na tuinn a riaghladh
’s a’ creachadh stòras nan cuantan ’s i a’ sgiathlaich
’s ged bha i ceart cho làn de chac ’s tha an-diugh innte
bha beagan glòir fhaoin ann am meud a sgiathan
 
A-nist bidh i a’ riaghladh nan sìtigean
a’ biathadh a h-àil le sgudal is slìseagan
a’ sgriachail ’s a’ sàrachadh le sput is diobhairt
agus ’s i a’ seirm gu h-àrd  gur i bànrigh nan tìrean

– @eoghanuig

FacebookTwitterGoogle+Roinn

Fàg freagairt

Cha dèid an seòladh puist-dhealain agad fhoillseachadh. Tha * ris na raointean a tha riatanach